Noeren etxearen egitura martxan

Eraikinaren egitura

Eraikinaren egitura honako elementuek osatzen dute:

EGITURA BERTIKALA
- hormigoi armatuzko bi zutabe (gorriz)
- hormigoi zelularrezko karga-horma perimetrala
ESTALKIAREN EGITURA
- zutabeetan bermatutako egur laminatuzko habea
- egurrezko gapirioak

Egituraren ikuspegi axonometrikoa (gorriz: hormigoi armatua / gris argiz: hormigoi zelularra / gris ilunez: egurra)

Egituraren zimentazioaren ikuspegi axonometrikoa (gorriz: hormigoi armatua / gris argiz: hormigoi zelularra / gris ilunez: egurra)

Eraikinaren zimentazioa

Eraikinaren zimentazioa iaz osatu genuen Lanbide-ren laguntzarekin antolatutako Fabrika eta estalkietako igeltserotzako eragiketa osagarriak ikastaroko ikasleekin. Zutabeen azpian zapata bakunak daude eta karga-hormen azpian zapata jarraitu bat. Bi zapatak elkartzen txarrantxa habe bat dago.

Orubearen aurreko egoera eta zimentazioaren zuinketa lanak

Zimentazioaren enkofratua osatzeko lanak

Zimentazioa bukatuta eta enkofratua kenduta, iazko ikasturte amaieran

Zutabeak

Berriki Eraikuntza Teknikari zikloaren bigarren mailako ikasleek eraikinaren hormigoizko bi zutabeak egin dituzte. Lanak erronka modura txertatu dira ikasketen barnean eta bi talde osatu dituzte ikasleek, bakoitzak zutabe bana eraiki duelarik.

Zutabeen tamaina ohikoa baina txikiagoa da, 20×20 zentimetrotako neurria baitute, hau da, hormigoi zelularrezko blokeen zabaleraren berdina, ondoren hauen barnean txertaturik geldi daitezen.