Hormigoi zelularrezko blokez eraikitzen ari garen itxitura bukatzear gara jada. Lana uste baina gehiago luzatu zaigu baina datorren astean galandaren blokeak kokatzeko asmoa dugu. Prozesuan zehar asko ikasi dugu, material honekin lan egin dugun lehenengo aldia delako. Oraingoz behintzat, hormigoi zelularraren balorazio oso ona dugu.
Segidan, prozesuaren zenbait argazki eta bideo:
Kimubat paisajismo eta lorezaintzan lan egiten duen Azpeitiako enpresa bat da. Bere jardueraren barnean K1 arazketa sistema garatu dute, landarren bidez etxebizitzetako urak depuratzen dituen sistema. Honetarako gainera bertako landare bat erabiltzen dute, Phragmites-a.
Urrian Kimubat-en egoitzan izan ginen, bertan muntatuta duten sistemaren ezaugarriak eta funtzionamendua ezagutzen. Asteazkenean berriz, enpresako Iker Goikoetxea eta Mitxel Igarataundi izan ziren Noeren etxea proiektua bertatik bertara ezagutzen eta fitodepuraziorako behar den putzua non kokatu aztertzen. Kokapenarekin zalantzak sortu ziren, lekua laiotz samarra delako. Iker eta Mitxelek estalkian kokatzeko proposamena egin ziguten, eguzki gehiago dagoelako bertan. Proposamenaren bideragarritasuna aztertzen ari gara, baina zail samarra ikusten dugu momentuan.
Goiko argazkian, ezkerretik eskuinera, Xabi Telleria, Iker Goikoetxea, Mitxel Igarataundi eta Xabi Labegerie.
Noeren etxearen itxitura eraikitzen hasi gara. Itxitura hainbat geruza desberdinez osaturik izango da eta lehenengoa hormigoi zelularrezko blokez osaturiko karga horma izango da.
Hormigoi zelularra oso material berezia da, gure inguruan oso erabilia ez dena. Silize-harea, zementua, karea eta espantsio eragile bat elkartuz sortzen den material minerala da eta dentsitate desberdinetan aurki daiteke (350 kg/m3 eta 700kg/m3 artean). Hormigoi arruntaren aldean oso arina da eta bere eroankortasun termiko koefizientea oso txikia harrenaren aldean:
Materialaren beste ezaugarri bat lan egiteko modua da, orain arte obretan ohituta gaudenaren oso bestelakoa (zerraz moztu daitezke blokeak, lizatu egin daitezke…). Honexegatik Eraikuntza-obrak antolatzeko eta kontrolatzeko goi-mailako teknikari zikloaren ikasleak bideratu ditugu lanak abiatzera, beraiek ikasteko lan egiteko modua, ondoren beraiek azal diezaieten Eraikuntza Teknikari zikloko ikasleei.
MMaterialaren inguruko informazio gehiago nahi izanez gero joan Ytong etxearen web-orrian aurki daiteke.
Usurbilgo Lanbide Eskolako Efizientzia energetikoa eta eguzki energi termikoa zikloaren 2. mailako ikasleek euri ura probestuko duten instalazio bat muntatu dute bertako B eraikuntzan. Instalazio honek euri ura metatuko du eta gero komunetako tangak betetzeko erabiliko du. Muntaketa test modura erabiliko da NOEREN ETXEA proiekturako.
Eskolako instalazioa gauzatzeko B eraikuntzaren euri uren zorrotena bat hartu da eta bertatik igarotzen den euri uraren zati bat bat depositu batera bideratu da. Deposituan metatzen den ura ez da edangarria beraz ur edangarria behar ez den erabilpenetarako bideratuko da. Erabilpenik esanguratsuena komunen betetzea izango da, honek etxe bateko ur erabilpenaren %30an suposatzen du eta gainera ez du zertan edangarria izan beharrik beraz erabilera ezin hobea daukagu. Beste erabilera batzuetarako probestu daiteke ur hau, adibidez erregadiorako edota eskolako espazioak garbitzeko.
Instalazioaren diseinu eta muntaia ikasleek egin dituzte eta sistemaren erregulazio eta kontrola Arduino bidez diseinatu da. Arduinoa hardware libreko plataforma bat da eta bere abantaila nagusia kontrol eta erregulazio sistema instalazio honentzako bereziki diseinatutakoa izatea da, honela, bertan kudeatzen diren datu guztiak ikuskatu eta kontrolatu daitezke instalazioak epe jakin batean aurreztutako ur kopurua jakin ahal izateko zehatz mehatz.
Eraikinaren egitura honako elementuek osatzen dute:
Eraikinaren zimentazioa iaz osatu genuen Lanbide-ren laguntzarekin antolatutako Fabrika eta estalkietako igeltserotzako eragiketa osagarriak ikastaroko ikasleekin. Zutabeen azpian zapata bakunak daude eta karga-hormen azpian zapata jarraitu bat. Bi zapatak elkartzen txarrantxa habe bat dago.
Berriki Eraikuntza Teknikari zikloaren bigarren mailako ikasleek eraikinaren hormigoizko bi zutabeak egin dituzte. Lanak erronka modura txertatu dira ikasketen barnean eta bi talde osatu dituzte ikasleek, bakoitzak zutabe bana eraiki duelarik.
Zutabeen tamaina ohikoa baina txikiagoa da, 20×20 zentimetrotako neurria baitute, hau da, hormigoi zelularrezko blokeen zabaleraren berdina, ondoren hauen barnean txertaturik geldi daitezen.
NOEREN ETXEA 